कर स्वतःच्या मनावर प्रेम

हॅपी व्हॅलेंटाईन डे

      मनाने मनाला
      मनासारखे मानणे
      म्हणजे प्रेम
      भावनेला भावनेने
      भावनेतून जाणणे
      म्हणजे प्रेम
      असेल तुमचं आमचं सेम
      पण आधी
      कर स्वतःच्या मनावर प्रेम......

      एक सुंदर
      चेतना मनातली
      म्हणजे प्रेम
      एक अद्भुत
      जादू तणातली
      म्हणजे प्रेम
      सर्वांच्याच मनात भावना ही सेम
      म्हणून म्हणतोय आधी
      कर स्वतःच्या मनावर प्रेम

      निरंतर भासणारी
      धडधड काळजातली
      म्हणजे प्रेम
      आयुष्य जगण्याची
      प्रेरणा हृदयातली
      म्हणजे प्रेम
      मनाने धरलाय मनावर नेम
      म्हणून आधी
      कर स्वतःच्या मनावर प्रेम......

      काही न सांगताच
      उमगणे सारे
      म्हणजे प्रेम
      मौनातले इशारे
      समजणे सारे
      म्हणजे प्रेम
      समजून उमजून करावं प्रेम
      पण आधी
      कर स्वतःच्या मनावर प्रेम......

      आपल्या
      अंगावर पडलेली
      धूळ झटकणे
      म्हणजे प्रेम
      तसंच
      आपल्या
      मनात साठलेली
      धूळ मनाला खटकणे
      म्हणजे खरं प्रेम
      कर स्वतःच्या काये वर प्रेम
      कर स्वतःच्या माये वर प्रेम
      पण आधी
      कर स्वतःच्या मनावर प्रेम......

      - सं दी प